پیغام

IG Profile-pic
میرے لیے یہ عزت کا مقام ہے۔کہ مجھے اللہ تعالی کے فضل و کرم سے نیشنل ہائی ویز اینڈ موٹروے پولیس کی کمان سونپی گئی ہے۔ میں سابقہ حکومتوں، پولیس چیفس کے ساتھ ساتھ مو جود آفیسرز اور سٹاف کی بھی تعریف کرتا ہوں۔جنہوں نے اس ادارے کے معیار کو برقراررکھا جس کی وجہ سے معاشرے کا ہر طبقہ اس کو سراہتا ہے۔
اس میں کوئی شک نہیں ہے کہ ٹریفک حادثات اور اس سے متعلقہ اموات کم کرنے کے لیے نیشنل ہائی ویز اینڈ موٹروے پولیس نے NHSO-2000 پر موثر طریقے سے عمل درآمد کرایا۔ محفوظ ڈرئیونگ کے لیے روڈ سیفٹی کے تعلیمی پروگرمز کے انعقاد کے ذریعے پوری تندہی سے ڈرائیوز کو تربیت دی گئی۔ایمرجنسی کی صورت میں مسافروں کی مدد کرنا ہمارے عزم کا نشان ہے۔
تاہم، ٹریفک کے بڑھتے ہوئے بہاؤ، نئی جدید روڈ نیٹ ورک اور سی پیک کے اہم روٹس، جس کے نتیجے میں نیشنل ہائی ویز اینڈ موٹروے پولیس میں انسانی وسائل، اثاثوں میں ایک بڑی وسعت اور تعمیرات کی ایک نئی ہیت کو مدنظررکھتے ہوئے حکمت عملی میں سوچ و بچار کے بعد بہتری ایک لازم امر ہے جس کے لئے آنے والے چیلنجوں کا مقابلہ سائنسی بنیادوں پر کرنا ہے۔
ان حالات میں نیشنل ہائی ویز اینڈ موٹروے پولیس کو نیشنل ہائی ویز اینڈ موٹرویز پر محفوظ ڈرایؤنگ ماحول کو یقینی بنانے اور روڈ سیفٹی کے طریقوں پر عملداری کے لئے آپ کی ضرورت ہے۔ اپنی سروسزکو شائستگی کے ساتھ پیش کرنااور تکلیف دہ حالات میں روڈ استعمال کرنے والوں کی مدد کرنا، جب آپ شہریوں کی زندگیاں اور املاک کو محفوظ بنا رہے ہوں۔
ہماری کارکردگی اور ہماری زندگی ہی سب سے بڑاثبوت ہو کہ ہم اپنے ملک سے محبت کرتے ہیں۔خدا آپ کا حامی و ناصر ہو۔

Back to Conversion Tool